無股道

星期五美股跌跌, 敝公司又跌回US$112. 雖則幾個月前已把手上的碎料賤賣掉, 升跌於我無關, 但始終希望w的option及n年前的貴貨有機到'定', 可惜.

報紙講什麼什麼'少年股神', 話嗰位浸大學生向母親借了7萬大洋, 一年多下來在股市專攻國內股票, 番了50番變咗350萬云云.
其實睇完個報導的感覺, 同話我知六合彩4,300萬一注中一樣 - "'嘩..." , 就咁. 在千千萬萬投資/機者當中可以在1年多之間番50番的, 機會率跟中六合彩沒兩樣吧. 據聞呢位同學確實做過啲功課下過啲功夫先去'投資'. 畢竟下過功夫交過學費的大有人在, 即使六合彩等玩意都有啲'科學方法'去(據稱)增加中獎機會. 效果如何固然沒有研究, 仍堅信彩數不可或缺就是了.

那晚吃飯, vjie話如果連我都入市的時候, 恐怕她都要徹退了. 嘩, 冇咁worse吧. 如果葉劉讀過寫過論文就曉得民主的話, 我'假假地'都1take過搞掂CFA Level 2 ga, 都可以話曉得做 financial analysis, 仲識什麼什麼 ethics 呀守則呀, 咁自己投資吓都 qualified 過好多人噃, 吓話...?

師傅仲離譜, 佢好朋友直情有點難以置信的"(失)笑"話我冇買股. 實情係, 我都好想, 但係仲未. 原因有好多... 包括, 家族遺傳(dad是絕種動物, 零投資, 好唔鍾意), 懶, 同埋固執. 見到個市咁, 真係好唔自在好奇怪. 以我僅有的認知, 實在說服不了自己在這個時候投下這個資; 除非係投機啦, 我又唔想又唔敢. 突然想起上星期某天經濟日報的一篇文章"太理性坐失良機" - 就是為何太理智(尤其最近)贏不了錢... hmm...

Anyway, 身邊許多人多多少少係呢一萬點裡頭都有進帳, 恭喜晒先. 咁, 做咗善事未先?