傻婆的年度生日禮物

20081013 @ 尚膳潮州, HarbourCity & 糖朝
傻婆遲來的生日慶典. 與會還有 kp 和 hw. 4個人點了不少東西, 差一點點才能完成, 已盡了力.
~ 滷水鵝片
~ 滷水墨魚, 鴨舌及滷水蛋
~ 椒鹽白飯魚
~ 梅子蒸烏頭
~ 蠔仔肉碎粥
~ 方魚肉碎粥
~ 豆醬炒白菜
~ 鮮百合腐竹素菜
(嘩... 難怪吃不下...)

既然沒有什麼可送妳, 就不如借花敬佛 - 我以這篇章見證, 讓傻婆妳自己的笑喊料流芳百世, 做個紀念 (睇我咁都記得, 感動啦啩):
~ 公司的一位員工, 說不要"跟"傻婆, 要"跟大佬". 其實"大佬"是傻婆的下屬
~ "慢慢嚟, 唔洗急" 那位呷着咖啡的意大利歸僑, 還未明白皇帝急時太監不能不急, 送走佢吧啦
~ 早前皮膚敏感, 爛面了. 一晚夜深十分不適, 雖討厭醫院, 還是考慮過叫白車送院. 愛美而且有潔癖的她不無疑慮: 可否請救護員入屋前除鞋? 不然的話, 回家後豈不是要拖地? 還是請他們在樓下等不要上樓? 自己換好衣服才出現? 但那豈不是表示不用叫白車? 會行會走好地地自己搭的士好了... 咁清醒, 應該冇 mud 事, 瞓吧啦.
~ 傻婆的包租公原來住在隔壁. 早知如此就不會簽約 - 可惜看樓簽約時包租公西裝骨骨的像從"老遠"到來. 從那時起就再沒有見過他穿西裝.
~ 成為新租客, 包租公卻說不用換門鎖了 - 因為他"可以睇住"...
~ 嚷了很久要求包租公換一個雙頭煮食爐, 一路沒下文. 一天包租公突然主動出擊, 換爐不特止, 還義務幫忙等送貨. 原來煮食爐做推廣, 送飯煲...
~ 平日老死不相往來, 包租公卻送上聖誕卡 - 聖誕快樂. 加租 $xxxx...

當然除了笑料, 傻婆其實是很感性(又性感?)的:
~ 見到面差不多是劈頭第一句, 竟然是"我地初初識嘅時候得十幾歲, 宜家已經幾十歲啦"...
~ 她說喜歡看 House, 又說我似 House. 歡喜都來不及, 她卻說 "你話世人唔明白你; 你又何嘗明白世人呢?" 妳話呢?
~ 19歲時的"劫" - 是他, 也是你和我... hahahaaa

其實呢, 正如妳所講"我地識嘅時候得十幾歲"又正值"多事之秋", 都算是睇住妳大又睇住妳mudmud物物, hehe.
現在妳有自己獨立的生活, 有自己喜歡又勝任的事業(那些搞笑'靚s'好得), 有需要時搵下丁醫生俾機會佢傾訴吓, 除了要好好搞搞(或不要搞)妳身邊的那些蜜蜂蝴蝶同妳手車外, 我真心的 proud of you! as long as 妳好好的生活.

ps 幾時有空寫返兩手畫返兩手?