快樂其實可以好簡單

呢頭話橫豎冇波打要趕工, 嗰頭就 hehe... 晨操!!
抵受不了外面似火驕陽嘅號召, 決定暫時dump低長命工夫, 出去走走順便嘆個KFC早餐(其實係主要動機...). 大好天氣, 當然唔揸車, 安步當車. 望番上去, 個天幾靚!

雖則冇波打, 都要穿上白帽仔白襪仔寥表心意.

仲有阿Stitch同friend-dor.

終於碌到落火炭間KFC.

呢個"請等一等"嗰個"一", 就等咗我15分鐘. 好在聽緊歌仔, 又keep住提醒自己心態係要好嘆咁, 終於冇發脾四, 仲好享受蹺晒腳咁. btw, KFC呢個芝士雞扒飽係好野嚟, 好耐冇食但水準不變(冇進步?), clapclapclap.

隔隔離枱坐着一個明顯有點mentally-challenged的男子, 看他的大手提袋, 應該是個courier. 他吃得很斯文很'企理', 表情十分專注十分安寧, 居然令我也平靜起來. 有一下子他望過來, 我不其然的回了一個微笑, 他也靦腆的笑了笑, 然後整個人都好像愉快起來, 笑着把他的早餐吃完. 快樂其實可以好簡單.

今朝真係好享受, 有行有企有曬有冷氣有聽有唱有飲有食又有出少少汗, 有幾下自己真係由個心度笑出嚟, hohohooo...
既然出咗城, 買埋報紙番屋企. 望到個頭條(冇細讀, 媽咪後來'報導'話係新移民生5個諸如此類case), 心頭沉一沉, 算是早上一個小小的暇疵吧.


ps 其實我都冇偷懶, 今朝晨操前加傍晚去完街街返閨已經趕工成7粒鐘. 雖然其實冇得趕, 有啲新嘢真係唔識, 會做得慢甚至唔識做企咗喺度. anyway, 同啲工夫鬥長命真係唔係辦法...