寫

剛剛又讀了一會食經, 其中刊出了當年一些讀者來函, 內容不必細表. 讓我心頭一震的是... 嗰手字!
還有, 朋友 ~ 你上一回手寫書信而又有寄/送出去的(有鋪癮寫俾自己的不算), 已是什麼時候了?
自己 ma... 實不相瞞, 肯定有10年, 洋文的.
如果寫中文的... 多加幾年吧.

講開"手字". 小時候看見長輩手字都好得好型, 自己的呢, 雖然跟鬼畫符差得遠, 但跟靚差得更更更遠, 所以對寫得一手好字的同學仔好不羨慕. 也曾自欺欺人的以為長大後 '自然' 會寫得好看些, 當然又是以前好天真好傻嗰種.
爺爺自己寫揮春, 印象中我的反應就是 "好似街賣嗰啲咁, 唔怪之得不如自己寫" 之類. 爸呢, 我未見過他的毛筆字, 但直至現在仍然覺得他的字很好看, 中英數都好看, regardless 紙筆的種類好壞. 有人喜歡用墨水筆, 用得其法的話粗細有緻, 簽個名都有型些(以為). 自己就最怕滑溜溜的紙及墨, 因為容易失控, 每一下落筆要十二萬分小心不至東歪西斜大小顛倒 .
話說回來, 那天 coffee break 時, 已忘了跟PC 的小朋友瞎扯了什麼, 隨手就潦了幾隻洋文, 不過據說 "睇唔到"... 失敗.
有時看見一些靚筆心思思想買, 我會告訴自己及身邊人 "我都唔揸筆嘅" 除咗簽名開支票劃點心紙做 presentation. 看來筆及其他書寫工具有機會成為更上幾層樓的 collectibles.