一蟹不如一蟹

在飯堂吃黃油蟹. 套餐有翅, 8兩蟹, 4頭鮮鮑, 焗石蠔, 泡飯, 南瓜燕窩, 位位$788.

黃油蟹呢, 已經好幾年冇食, 皆因相熟經理都話普通. 今年咁熱, 爸媽就心思思想食, 阿經理又話ok, so far冇客投訴退貨, 咁食就食啦. 蟹呢係好黃油(見圖), 蟹膏滑溜蟹肉亦鮮甜, 但已不是曾令我回味不已的那只黃油蟹. 說真的是有點失望, 雖然餐內其他食物仍是很好.
真係10+年前, 黃油蟹每年供應期只有2星期, 錯過了就明年請早. 品嚐過難以忘懷, 蟹油蟹膏那股油脂豐腴的香氣, 咬落甘香鬆化起沙的口感, 就像吃第一流的蟹味咸蛋黃, 而且蟹肉鮮甜結實, 在在都在大閘蟹之上.
現在吃的貨色, 少不免是養殖的, 供應期也長多了. 難怪10年間價錢不升反跌(以前是約$50一兩, 現在是約 $40一兩).
自己煮又如何? 坦白說, 有關係有水準的酒家尚且未能入到真正精品(唔通收埋?), 我很懷疑街外散客買得到的貨色, 除非真的有'路數'.

呼籲一下, 有吃過好的請揚聲, 真的懷念. p話想食, 我是有hesitation的, 畢竟曾經滄海難為水啊...
btw, 今天在西苑lunch, 發現它的黃油蟹套餐比飯堂平差不多$100位之餘, 蟹亦大一點(10兩).
有冇人想試試然後話我知點?