搵食

天寒地凍人山人海, 決定到九龍城外賣晚餐.
開車到福佬村道, 六時多就已經triple parking, 相信跟這裏有多間火鍋店及食肆有關.
居然發現一個'缺口'(當然不是泊車位), 心想無理由咁'筍'有個空間. 但想到自己只是來買外賣, 稍停也不為過, 便不慌不忙把車停進去.
說時遲那時快, 剛熄了匙, 便有一頭帶鴨舌帽, 全身黑衣的男子敲我窗.

(頗有禮地) "小姐, 你可唔可以停係對面."
"好快, 去買啲嘢就返嚟... 對面停唔停得ga..."
(現形) "但係你阻住我搵食喎."
嘩咁大罪名, 擔當唔起. 唯有很不情願地, 面燶燶的把車開走.

愈想愈氣.
真係無法無天.
我都係嚟搵食喎.
條路係你嘅咩?
搵食? 有冇牌先? 有冇納稅先?
抑或係咪連博抄牌都要同我爭?
勞氣. 但係我又冇鴨舌帽又着到白雪雪, 發作不得.
唉.