Zero-Sum Game

又清倉. 掘出這張照片. 在地鐵列車上.
話說某天下班時份在公司附近的街頭, 見人人手拿一罐 coke zero, 站在地鐵站外, 垃圾筒旁邊, 大口大口的喝着, 場面壯觀. 還有幾位鋁罐回收婆婆在密密"入袋", 大有收穫.
原來有推廣大派 coke zero - 仲係幫你開埋嗰隻, 唔飲唔得. 即時會心微笑 - 高招.
可惜自己不是 coke人, 又趕時間, 耍手擰頭無福消受.

衝入車廂, 前面的太太在喝着 coke zero, 心想 "eating or drinking is not allowed after entering the gate..."的時候, 她一個箭步加左右開踭, 就 sip 了個座位, 才發現原來她 "又食又leg", 真捧場.
原本以為她很快會下車, 畢竟手持兩罐汽水在車廂中人群中穿梭應屬競技遊戲一類, 不宜持久戰跑長途, 況且若要為親朋好友送上窩心飲料如 coke(有此假設皆因阿太太其實冇點飲過), 夠汽夠凍方為上品. 誰料阿太太一路坐一路坐足足6個站到金鐘才下車, 中途打了幾個電話, 還要接力隨人潮到對面月台轉車... 別忘記她還拿着起碼一個手袋和一個膠袋, 有相為証. 真有心.

用小小糖水做甜頭就幫你飲到開巷仲跑埋半個香港. 哩個廣告, 真抵賣.
香港人, 真抵得諗.