洋名醫師

下午的call取消了.
近來萎靡依然, 又有順風車, 決定跟師傅去拜會久仰大名的醫師.
阿洋名中醫師出名嚴厲寸咀又cool cool 地, 今日終於聞名不如見面.
"冇嘢嘅, 你仲後生..."
"冇嘢嘅, 感冒咪由佢 'au' 囉..."
"冇嘢嘅, 無無謂謂又唔瞓咁..."
"冇嘢嘅, 以你嘅年紀, 身體係渣啲啫..."
句句"冇嘢嘅", 但係佢個表情好'有啲嘢', 令人不懂招架, 只好唯唯諾諾.
醫師吩咐下班後要再回去飲藥把脈, 都咪話... 有啲怯.

回office途中, 分析員臨時約見. 趕去見面寒暄過招一番, 又灌下大啡一杯, 一邊飲一邊心想唔知會唔會俾醫師鬧鬼...

回到醫師處, 藥已準備好, 便乖乖喝下等候發落.
不敢多咀, 問一句我最多答半句.
"點呀, 飲唔飲到? 我啲藥唔難飲, 你睇出面啲細路都飲到..."
"啲藥好快... 果然係後生..."
"睇你當唔當(健康) 係 asset..."
"你有好多嘢想做, 都要有好身體至得..."
"你令我諗起我後生嗰時..."
"你個名都幾xx..." (hehe, 多謝爺爺)
"咁要乖啲嘞..."
哦... yes ma'am!

噓, 原來都係醫者父母心.