Music Matters Continued

在forum看到, 有心人(zk1980, aka星勤)的分析分享Music Matters, 好中 (只有[ ]內的rundown是我後來加上的).
個show很令人回味, 有思考時有輕鬆時有聲有色. 唔該晒n幫忙班到好位, 第4行almost中間. Salute!
據聞不會出CD/DVD, 唯有繼續文火煲新碟. (又嚟硬賣: 買啦買啦.)

[00 木紋 Music Prelude]
音樂響起，畫面播放著一個木盒
最後將盒子一層一層打開，最入面有一個屈膝既精靈...
此時舞台上有一個精靈，將一個木盒打開
一打開，精靈終於被解放，要開始起動

[01 大紅袍]
「大路留在原路　我不會甘於行大直路
大步從未停步　我喜愛獨自行大大步」

精靈被解放，睇到五光十色既世界，覺得好新奇

[02 你是八十年代] [03 迷你與我] [04 光明會]
「全球被你激動　全球被你推動　從前亂發的夢　從來沒那麼盡」
「我也會疲勞　我也會迷途　至少可以　高聲說　現在由我帶路」
「別再等　錯過後以後又遺憾」

[05 大紅袍 Music Interlude]
世上不只五光十色既都市
精靈及被解放既精靈走到一個寧願既地方

[06 以身犯險]
「世俗旅途迷失方向　未見得獲人認同　但我心思在擴張」

雖然處於寧靜同夢幻中
被解放既精靈懷住好奇心決定周圍再睇清楚

[07 好奇心殺死貓]
「未看到　怎麼安心　下來
就算機關即將倒下來　冒了死始終將機密來揭開」

冒險過後，再次感受大自然帶來既香氣、景緻
決定深深咁沉醉響呢個世界入面...

[08 Shampoo] [09 愛多80年] [10 水花四濺]
「沿途又甜又香　呼吸我戀愛　盛放」
「唯獨白色的鮮花　會繼續優雅」
「讓水花　燦爛過放煙花」

[11 光榮之家 Music Interlude]
再次回到都市，今次精靈搵到玩具 —— 一個鋼片琴
敲著敲著，引來越來越多同伴一齊玩
就連被解放既精靈都加入，一齊玩，一齊開心

[12 幽默感] [13 花見] [14 艷光四射] [15 勁愛你]
「能學成諧趣吧　能學成滑稽嗎　惆悵未算可怕　用笑著笑走它
別自尋煩惱吧　讓事情漫畫化　來蓋住我傷疤」
「若往日春分秋至給我滋養　今晚准我秀一秀」
「教人捱下去　仍覺活得很興奮」
「你愛我　我愛你　你愛我　我也要愛你」

[16 睡王子]
入夜，其他精靈都走哂
被解放既精靈化成最唔可愛既王子
期待一個親近自己既個體

「便從此失去溫柔　從此失去依靠　從此失去一切　而誰都這樣畏懼」

[17 千千萬萬個我]
縱然知道自己唔可愛
但都仍然想有個人去愛自己，親近自己

「快樂時你亦同樣　收過幾紮鮮花
軟弱時我亦同樣　整夜牽牽掛掛」

[18 汽水樽裡的咖啡] [19 透視]
生得唔可愛，自己並無辦法可以選擇
只有內心漂亮，又係唔係真係可以吸引到其他人？

「但咖啡可注入這汽水樽　情感藏不了」
「我在你眼前　你是否望見」

[20 紅屋頂]
被解放既精靈哭了，哭第一次，法力就會消失
但精靈明白，明白被解放既精靈心腸並唔懷
決定為佢撐一把傘，送佢離開

「幻想大門　我撐著宇宙來維護你
異境大屋　簷下任你起」

失去法力既精靈繼續渡過左好多歲月
於身邊發生過好多好多唔同既事情
所有野，佢都好好記起

[22 天然沖晒] [23 明目張膽] [24 螞蟻] [25 勞斯‧萊斯]
「回憶失蹤給我　一種樂趣麼　能否偶爾地忘我」
「如若我也有權愛　同樣我也有權揀　怎樣愛」
「簡簡單單的一切　撐得起一世　我與你有些自閉」
「永遠的忍耐　永遠不出來　世界將依然　不變改
只會讓更多罪名埋沒愛」

每次經歷唔同既遭遇，失去法力既精靈都會上到一課

[26 花灑] [27 月光寶盒]
「得到也是無謂　負擔高過天際」
「木製盒　在我手　幫我成長過」

失去法力既精靈內心開始掙扎
應該繼續咁樣過生活？
但自己已經係一個無法力既精靈，會有人錫自己嗎？
定應該要開展新一頁？

[28 沙]
「平時我靜默　不多說話
表達有點差　但也盼被慰問一下」

看來... 失去法力既精靈已經搵到自己想走既路

[29 天使藍] [30 化蝶]
「慢慢地學會痛心　慢慢地學會化身　普通人」
「荼薇紅過都變枯枝　血肉之軀會沒法保持　唯獨春天可以給記住」

[31木紋]
於是，佢決定再流一次眼淚
今次留淚，佢就會告別一直藏身既木盒
因為一個精靈流第 2 次眼淚，就要被懲罰，轉生為人
佢唔可以再好似其他精靈咁，藏身於木紋之間
但佢知道，以前響木盒入面留低過既，永遠都會存在

「來年樹倒　身影孤　煙花散
年輪未可推翻　化不淡」

今次唔再係因為傷心而流淚
轉生為人後，決定拎住自己既木盒
同過去既朋友快樂地告別
然後跑向一個新地方... 開展自己既新生活

==============================================
其實今次係一個少少以劇既形式去講故事
當然，當中有 HOCC 既小小分享
要讚既係~ 今次呢個唔係演唱會係一個好有 meaning 既演出
當中講到比我地知 What Really Matters同埋我地身邊既 Small Matters 對我地有乜野意義
舞台上又有好多燈光 (一個細台，但燈光總數可同紅館媲美)
好多歌既燈光都好統一，好靚
當然仲有音樂上既風格
鍾意睇 HOCC，就係因為佢會為左唔同既意思
去將唔同既音樂改編
呢個 point 可以另外再講
個 Ending 我覺得好感動
阿詩落台，一邊向場尾跑，一邊向住個台，同扮演精靈既郭易揮手
而郭易手上既白鴿，由第 2 幕阿 C 拎住時既白色
到變成好多種色，果種感覺好開心，充滿住祝福既感覺
呢一幕我覺得好感動

而彈方面~ 首先就係音響
有一個樂器/mic 一直出現電既 "支支" 聲
第 1 晚有，第 2 晚都竟然仲有
而第 1 晚有 3 次 "boom" 既爆 mic 聲
第 2 晚仲喇叭有事成晚阿 C 個 mic 一時係 stereo 既聲
突然間會得番 echo 咁勁飄渺
(stereo 時間只佔四分一，但中間不停有事無事聽到人都煩)

第 2 個要彈既，今次個會展真係幾出事
一來座位無高矮，後排睇得幾辛苦
二來個場細，全場都有聲音撞牆等彈番出黎既 Echo
變左好似聽二重唱咁
尤其第 2 晚，喇叭出事後，原本出黎把聲已經變左好飄下
再加埋撞牆反彈既聲，真係好矇囉阿 C 把聲

第 3 個要彈既，唔係無 Encore
係響無 overrun，第 1 場唱又無事既情況下
響第 2 場竟然 cut 左 2 首歌
《天使藍》今次其實選左 Acoustic Angel 版本去唱，平時好少會唱呢個版
但今次都只得第 1 場有唱
好多 gootoes 其實都好想聽 C 演繹呢個版
好多人都覺得好失望...

對於阿 C 既彈... 就係第 1 場太多歌唔記得歌詞...
好彩，第 2 場呢個問題就改過哂 =)

另外仲想講番，本來如果純講故事 (阿詩唔講其他野)
我諗大家會明白多 d 呢個 show 其實想講乜
阿詩響中後段講多左野，反而沖淡左之前累積既感覺同感受

無 Encore 其實今次又無乜所謂，有先覺得怪
為新一頁既開展跑走，又無乜理由番黎 encore 架~ 哈哈

==========================================================
重新編曲作品今次有部分真係好估唔到同好精彩
最強勁既當然係《千千萬萬個我》
一首好 Rock 既作品，由 Major key 變成 minor key
多左一份詭異既感覺，仲唔夠，加埋阿 C 變奏既演繹
將夜晚果種孤單既可怕感完全表達到出黎

《水花四濺》由簡單四拍變成 12 拍
即係每一拍入面分左做 3 小拍成隻歌變得更開心，更舒服，更自由自在

《花見》原曲其實有 d 尷尬，要快不快，要慢不慢
今次將所有包袱拋開，重新再做一首新歌一樣
Jazz 中帶住百老匯歌劇味道
係聽過既版本入面最好既一個

第一場既《化蝶》用左電結他做 intro
其實比第二場用鋼琴做 intro 好(鋼琴彈法唔同 Live Version)
因為果幕已經講到精靈決定要做人
用電結他入感覺比較倔強，同埋有種下定決心既感覺

《艷光四射》唔再 grand，變得隨和，與眾同樂
人人都可以艷光四射
第 2 場 C 唔知係唔記得左歌詞定有心
最後一次 Chorus 變左啦啦啦啦啦
反而再為呢種平民化既快樂增多左一種一齊玩到癲既感覺，好討好

今次有三首重唱其他人既作品
《愛多 80 年》係一個經典
響 C 既演繹下首歌唔再老土
雖然，如果呢首歌一開始由 C 咁樣去唱
可能只係一首好普通既歌~ 唔會有而家咁紅
而且 C 唱得好鬼馬~ 好多表情好多動作~
都令台下既人全部都起哄咁樣首歌就唔會覺得好 odd

而重唱 Karen 既《透視》
雖然我好鍾意 Karen 既作品，但阿 C 唱得真係好好
好投入，好有感情咁去唱
Karen 唱廣東歌個腔同咬字唔夠唱國語歌好
所以如果 C 唱國語版，就一定被比下去
《花灑》都係，同古巨基既版本唔一樣
多左一種女仔既輕柔

當然，講到翻唱，最強勁一定係青山大樂隊主唱既《未來》
Rock and roll will never die!
HoBing 唱歌竟然會有 d 兒童腔~ 哈哈