撲蝶在冷氣間

有人忘記帶毛毛球. 確定情報屬實後, hh和我向前場波人誠懇有加地要求出讓毛毛球, 卻仍被'腰'咗兩咀.

好明顯由於當時人動感太強, 鬆郁矇在所難免.
左攻右. 右攻左. 後排攻擊. 2.5. 人釘人... 都冇.


kp未撲蝶先抽筋. 先抽右腳後抽左. 有報導指可能與先前老趙的炒通菜有關. 最後都能勇戰10分鐘. (查實係'波鞋不能症', 完場後換回高踭鞋就一天都光晒, 直情健步如飛如履平地, 佩服佩服.)

簡直係激戰連場, 人地. 我呢, 就只在場邊監督. 識我多年的老友都知我最怕昆蟲, 撲蝶當然非我杯茶.
(實情係, 我冇帶裝備. 曾經豁出去著住loafer揮幾板, 但係比駐場嬸嬸發現. 佢話小姐你嗰對唔係運動鞋嚟... 咁我就賴皮幾句話晏晝我都係著佢嚟跑來跑去. hehe, 咁嬸嬸都好好人事, 話下次帶對鞋先玩啦. 哦, 知道. 話時話, 我對loafer肯定pro過白飯魚甚至converse, 咁都唔得.)

之後去糖朝. 飲完西瓜走杭菊汁, 勁甜桂花荔枝蜜後, 來一桶滑滑豆腐花.

大大話話等咗桶豆腐花30分鐘, 幸好水準不俗, 條氣都順啲. 4(!!)個人每人兩碗有多.

其實不太明白為什麼要是"顧客點菜". 無新意也無意義. 是application default 吧, 為何不 customize / personalize 呢.